گلوبل ٹی ٹونٹی ، وان کوور نائٹس نے ویسٹ انڈیز بی کو ہرا دیا

گلوبل ٹی ٹونٹی ، وان کوور نائٹس نے ویسٹ انڈیز بی کو ہرا دیا

کنگ سٹی (نیٹ نیوز)گلوبل ٹی ٹونٹی کینیڈا کرکٹ لیگ میں وان کوور نائٹس نے ویسٹ انڈیز بی کو شکست دے کر تیسری کامیابی حاصل کر لی، کرس گیل نے 63 رنز کی عمدہ اننگز کھیل کر اور شیلڈون کوٹریل نے 4 وکٹیں لیکر میچ کے بہترین کھلاڑی کا ایوارڈ دیا گیا۔ کنگ سٹی میں کھیلے گئے لیگ کے 14ویں میچ میں وان کوور نائٹس نے پہلے کھیلتے ہوئے مقررہ اوورز میں 4 وکٹوں کے نقصان پر 175 رنز بنائے، گیل نے 4 چھکوں اور 5 چوکوں کی مدد سے 63 رنز کی عمدہ اننگز کھیلی، آندرے رسل نے 32 رنز کی ناقابل شکست اننگز کھیلی، ڈرول گرین نے 3 وکٹیں لیں، جواب میں ویسٹ انڈیز بی کی ٹیم مطلوبہ ہدف کے تعاقب میں 19.3 اوورز میں 140 رنز بنا کر آؤٹ ہو گئی، کاوم ہوج 43 رنز بنا کر نمایاں رہے، کوٹریل نے 4 کھلاڑیوں کو پویلین کی راہ دکھائی۔

مزید : کھیل اور کھلاڑی