سید نوید قمر پھر عوام کے سوالات کی زد میں آگئے

سید نوید قمر پھر عوام کے سوالات کی زد میں آگئے

ٹنڈو محمد خان (این این آئی)عوام کے امیدواروں سے تندو تیز سوالات کا سلسلہ رک نہ سکا ،نوید قمر ایک بار پھر سوالات کی زد میں آگئے ۔این اے 228ٹنڈو محمد خان سے پیپلز پارٹی کے امیدوار نوید قمر کی انتخابی مہم زور شور سے جاری تھی کہ کارنر میٹنگ کے دوران ایک شہری پھٹ پڑا ۔شہری نے پی پی رہنما سے استفسار کیا کہ بتائیں 5سال میں عوام کیلئے کیا کیا؟آپ کہہ رہے ہیں عوام کیلئے لڑیں گے،پہلے یہ بتائیں بی بی شہید کا کونسا کیس لڑا؟شہری نے پوچھا کہ ماڈل ایان علی کے کیس میں 100 سے زائد پیشیاں بھگتیں ،بلاول بھٹو سے پوچھیں کہ بی بی شہید کیلئے کتنی بار عدالت گئے ؟کارنر میٹنگ کے دوران ہونے والے واقعے پر نوید قمر کا کہنا ہے کہ ایک شخص کو منصوبہ بندی کے تحت بھیجا گیا تھا، جو میٹنگ کے دوران بدمزگی پیدا کرتا رہا۔

سید نوید قمر

مزید : علاقائی