نیب نے مسلم لیگ (ن) کے اہم ترین رہنماءکے انتہائی قریب سمجھے جانے والے ایس ایچ او کو گرفتار کر لیا، یہ ایس ایچ او کون ہے اور اسے کس الزام میں گرفتار کیا گیا؟ ایسی خبر آ گئی کہ ہر طرف ”کھلبلی“ مچ گئی

نیب نے مسلم لیگ (ن) کے اہم ترین رہنماءکے انتہائی قریب سمجھے جانے والے ایس ایچ ...
نیب نے مسلم لیگ (ن) کے اہم ترین رہنماءکے انتہائی قریب سمجھے جانے والے ایس ایچ او کو گرفتار کر لیا، یہ ایس ایچ او کون ہے اور اسے کس الزام میں گرفتار کیا گیا؟ ایسی خبر آ گئی کہ ہر طرف ”کھلبلی“ مچ گئی

  

لاہور(ڈیلی پاکستان آن لائن) نیب لاہور کی بڑی کارروائی ، پنجاب پولیس کا ایس ایچ او کرپشن و اختیارات کے ناجائز استعمال کے الزام میں گرفتار،ملزم ایس ایچ او  نوید اعظم نے غیر قانونی طور پر عوام سے دھوکہ دہی کے ملزم ندیم احمد کو حبس بیجا میں رکھا اور  30 لاکھ روپے بطور رشوت وصول کئے ۔واضح رہے کہ ذرائع کا کہنا ہے کہ سابق ایس ایچ او برکی  چوہدری نوید اعظم مسلم لیگ ن کے مرکزی رہنما خواجہ سعد رفیق کے انتہائی چہیتے پولیس آفسر سمجھے جاتےتھے اور پیراگون سوسائٹی میں ہونے والے مبینہ قبضوں میں بھی انسپکٹر نوید اعظم اہم کردار ادا کرتا رہا ہے ۔

تفصیلات کے مطابق نیب لاہور نے بڑی کارروائی کرتے ہوئےغیر قانونی طور پر عوام سے دھوکہ دہی کے ملزم ندیم احمد کو حبس بیجا میں رکھنے اور 30 لاکھ روپے رشوت وصول کرنے والے سابق ایس ایچ او تھانہ برکی ملزم نوید اعظم کو گرفتار کر لیا ہے ،نیب اعلامیئے کے مطابق سابق ایس ایچ او تھانہ برکی ملزم نوید اعظم نے غیر قانونی طور پر عوام سے دھوکہ دہی کے ملزم ندیم احمد کو حبس بیجا میں رکھا اور دوران حراست ملزم ایس ایچ او نویداعظم کیجانب سے 30 لاکھ روپے بطور رشوت وصول کیے گئے: نیب کی جانب سے کہا گیا ہے کہ اس دوران ملزم ایس ایچ او نوید اعظم نے اہلیہ کے نام غیر قانونی طور پر متعدد جائیدادیں بھی بنائیں،جائیدادوں کی خرید کی مد میں زیر حراست ملزم ندیم احمد سے خطیر رقوم وصول کی گئی۔

نیب کی جانب سے کہا گیا ہے کہ نیب لاہور ملزم ندیم احمد کیخلاف عوام سے دھوکہ دہی کے ذریعے کروڑوں روپے وصول کرنیکے حوالے سے تحقیقات کر رہا ہے،ملزم ندیم احمد کے انکشافات پر ملزم سابق ایس ایچ او کی گرفتاری عمل میں لائی گئی،نیب حکام کیجانب سے ملزم ایس ایچ او نوید اعظم کو گرفتاری کے بعد احتساب عدالت کے روبرو پیش کر دیا گیا،نیب حکام ملزم کے 14 روزہ جسمانی ریمانڈ کے حصول کی استدعا کرینگے۔دوسری طرف ذرائع کا کہنا ہے کہ سابق ایس ایچ او برکی  چوہدری نوید اعظم مسلم لیگ ن کے مرکزی رہنما خواجہ سعد رفیق کے انتہائی چہیتے پولیس آفسر سمجھے جاتےتھے اور پیراگون سوسائٹی میں ہونے والے مبینہ قبضوں میں بھی انسپکٹر نوید اعظم اہم کردار ادا کرتا رہا ہے جبکہ نوید اعظم آشیانہ اور  پیرا گون سوسائٹی فراڈ میں گرفتار ندیم ضیا کے بھی بہت قریب جانا جاتا ہے۔

مزید : علاقائی /پنجاب /لاہور