بینظیر انکم سپورٹ پروگرام سے رقم لینے والے 24سرکاری ملازمین کیخلاف مقدمات درج

بینظیر انکم سپورٹ پروگرام سے رقم لینے والے 24سرکاری ملازمین کیخلاف مقدمات ...

  

پشاور(سٹاف رپورٹر، مانیٹرنگ ڈیسک) ایف آئی اے نے بینظیر انکم سپورٹ پروگرام سے فائدہ اٹھانے ہونے والے سرکاری ملازمین سے متعلق تحقیقات مکمل کرلی، 24 سرکاری ملازمین کے خلاف مقدمات درج کرلئے گئے۔ایف آئی اے کے مطابق بے نظیر انکم سپورٹ پروگرام سے فائدہ اٹھانے والے سرکاری ملازمین کے خلاف تحقیقات مکمل کرلی گئی ہیں۔ ملازمین نے دھوکے سے بینظر انکم سپورٹ پروگرام کی رقوم وصول کیں اور خود کو سرکاری ملازمین ظاہر نہیں کیا، مستفید ہونے والے زیادہ افراد کا تعلق شورش زدہ علاقوں سے ہے۔ایف آئی اے کے مطابق 300 سے زائد افراد کیخلاف تحقیقات جاری ہیں، رقم وصول کرنیوالے دیگر سرکاری ملازمین کیخلاف بھی تحقیقات جاری ہیں، فائدہ اٹھانے والے سرکاری ملازمین سے اب تک ایک کروڑ 42 لاکھ روپے کی رقم بھی وصول کی جاچکی ہے۔

مقدمات درج

مزید :

صفحہ اول -