”ارتغرل“ کی ”حلیمہ سلطان“ نے نیم برہنہ تصویر شیئر کر دی مگر ساتھ ہی انہوں نے کس چیز پر پابندی عائد کر دی؟

”ارتغرل“ کی ”حلیمہ سلطان“ نے نیم برہنہ تصویر شیئر کر دی مگر ساتھ ہی انہوں ...
”ارتغرل“ کی ”حلیمہ سلطان“ نے نیم برہنہ تصویر شیئر کر دی مگر ساتھ ہی انہوں نے کس چیز پر پابندی عائد کر دی؟

  

لاہور (ڈیلی پاکستان آن لائن) معروف ترک ڈرامہ سیریز ‘دیریلیش ارطغرل یا ارطغرل غازی’ میں ارطغرل کی بیوی حلیمہ سلطان کا کردار نبھانے والی ترک اداکارہ اسرا بیلجک کو انسٹاگرام پر اس وقت دشورای کا سامنا کرنا پڑا جب انہوں نے اپنی نیم عریاں تصویر اپ لوڈ کی تو کمنٹس سیکشن کی صورتحال کو دیکھتے ہوئے پوسٹ پر کمنٹ کی آپشن ہی بند کرنا پڑ گئی۔

تفصیلات کے مطابق پاکستان میں ارطغرل غازی کی اردو ڈبنگ کے ساتھ ریلیز کے بعد ڈرامے میں کام کرنے والے ترک اداکاروں کو پاکستان میں کافی مقبولیت حاصل ہوئی ہے جن میں ارطغرل کی بیوی کا کردار نبھانے والی اداکارہ اسرا بیلجک بھی شامل ہیں۔ پاکستان میں مقبولیت کی وجہ سے ترک اداکاروں کو سوشل میڈیا پر پاکستانی فالورز کی ایک بڑی تعداد نے جوائن کیا۔

پاکستان میں مداحوں کے بڑھنے سے جہاں ترک اداکاروں کی مقبولیت میں اضافہ ہوا ہے وہیں انہیں مختلف مسائل کا بھی سامنا ہے اور ایسا ہی اسرا بیلجک کے ساتھ بھی ہوا جنہوں نے اپنے انسٹاگرام اکاؤنٹ پر ایک تصویر شیئر کی جس میں وہ بکنی پہن کر سرفنگ کر رہی ہیں۔ پاکستانی مداحوں کی ایک بڑی تعداد کو اسراءکی نیم عریاں تصویر اپ لوڈ کرنا پسند نہیں آیا اور انہوں نے ترک اداکارہ کو سخت تنقید کا نشانہ بنایا اور اسلامی اقدار کا خیال رکھنے کی نصیحت کی، جس کے بعد ترک اداکارہ نے اپنی انسٹاگرام پوسٹ پر کمنٹ کا آپشن بند کر دیا۔

اسراءکی پیدائش 14 اکتوبر 1992ءکو انقرہ میں ہوئی اور انہوں نے استنبول کی ایک یونیورسٹی سے بین الاقومی تعلقات میں ڈگری حاصل کی ہوئی ہے جبکہ ابھی قانون کی تعلیم بھی حاصل کررہی ہیں۔ شوبز کی دنیا میں ان کی آمد 2014ءمیں ارطغرل سیریز سے ہی ہوئی تھی اور ارطغرل کے علاوہ مزید 2 ڈرامے اور ایک فلم میں کام کرچکی ہیں۔

مزید :

تفریح -