اقوام عالم مسلمانوں پر ہونے والے مظالم کا نوٹس لے، قلب عباس

اقوام عالم مسلمانوں پر ہونے والے مظالم کا نوٹس لے، قلب عباس

  



لاہور(ایجوکیشن رپورٹر) امامیہ اسٹوڈنٹس آرگنائزیشن پاکستان کے مرکزی سیکرٹری اطلاعات قلب عباس نے لاہور میں صحافیوں سے گفتگو کرتے ہوئے کہا کہ اقوام عالم مسلمانوں پر ہونے والے مظالم کا نوٹس لے، کیونکہ اس وقت پوری اسلامی دنیا میں مسلمانوں کا خون نا حق بہایا جا رہا ہے لیکن عالمی برادری بزدلانہ خاموشی اختیار کئے ہوئے ہے، جبکہ مسلم اور عرب سربراہان اس طرف توجہ نہیں دے رہے جسکی وجہ سے اسلام دشمن قوتوں کے حوصلے بلند ہو رہے ہیں اور وہ یمن، عراق، شام، لبنان، افغانستان، بحرین اور وطن عزیز پاکستان میں مسلمانوں کا خون بہا رہے ہیں انہوں نے مزید کہا کہ برما کے مظلوم مسلمانوں پر عرصہ حیات تنگ کر دیا گیا ہے۔ خواتین، بچوں اور بوڑھوں پر وحشیانہ مظالم ڈھائے جا رہے ہیں۔ برما کے بے گناہ افراد پر زمین تنگ کی جارہی ہے جس کی وجہ سے وہ ہجرت کرنے پر مجبور ہیں اور اس قتل عام کے سبب سمندری کشتوں میں بے یاروں مددگار پڑے ہیں، ہزاروں بچے یتیم کھلے سمندر میں زندہ لاشیں ہیں جن کی زندگیاں دا پر لگی ہیں اور ان کیلئے مسلم ممالک نے اپنی سرحدیں بند کر لی ہیں، روہنگیا مسلمانوں کی نسل کسی پر اقوام متحدہ، عرب لیگ، او آئی سی جیسی طاقتور تنظیمیں کی مجرمانہ خاموشی قابل مذمت ہے۔

میانمار میں انسانی نسل کشی کے ساتھ جمہوریت کا بھی قتل ہوگیا ہے، جان بچانے کے خاطر سمندری راستے فرار ہونے والے روہنگیا مسلمانوں کی کشتیاں انڈونیشیا، ملیشیا، جیسے مسلم ممالک کی سرحدوں کے پاس بھٹک رہی ہیں جنہیں کوئی ممالک لینے کیلئے تیار نہیں، ایسے حالات میں عرب اسلامی ممالک جن کا انڈونیشا، ملیشیا، میں کافی اثر و رسوخ ہے سفارتی اور حکومتی سطح پر بھی کوئی اقدامات نہیں کر رہی کہ ان مسلمانوں کی زندگیاں بچ جائیں

مزید : میٹروپولیٹن 4