دہشتگردی پاکستان اور افغانستان کیلئے مشترکہ خطرہ ،مل کر خاتمہ کرنا ہے :نوازشریف

دہشتگردی پاکستان اور افغانستان کیلئے مشترکہ خطرہ ،مل کر خاتمہ کرنا ہے ...
دہشتگردی پاکستان اور افغانستان کیلئے مشترکہ خطرہ ،مل کر خاتمہ کرنا ہے :نوازشریف

  

اسلام آباد(ڈیلی پاکستان آن لائن )وزیراعظم نواز شریف نے کہاہے کہ دہشت گردی پاکستان اورافغانستان دونوں ممالک کے لیے مشترکہ خطرہ ہے ،ہمیں مل کر اس کا خاتمہ کرنا ہے ۔

تفصیلات کے مطابق وزیراعظم نوازشریف دورہ قازقستان مکمل کر کے وطن واپس پہنچ گئے ہیں تاہم آستانہ میں وزیراعظم نواز شریف اور افغان صدر اشرف غنی کے درمیان ہونے والی ملاقات کا اعلامیہ بھی جاری کر دیا گیا ہے۔

ترجمان دفتر خارجہ کے مطابق وزیراعظم نے افغان صدر سے ملاقات میں کابل میں ہونے والے حالیہ دہشت گرد حملے کی مذمت کی اور کہا ہے کہ پاکستان نے حالیہ برسوں میں دہشت گردی کے خلاف جنگ میں بے پناہ انسانی اور معاشی قربانیاں دیں ہیں جب کہ افواج پاکستان دہشت گردی کے خطرے سے نمٹنے کے لئے بہادری سے لڑ رہی ہیں۔

وزیراعظم نواز شریف نے مزید کہا کہ دہشت گردی پاکستان اور افغانستان دونوں کے لیے مشترکہ خطرہ ہے اور ہمیں مل کر اس کا خاتمہ کرنا ہے۔ ان کا کہنا تھا کہ پاکستان افغانستان میں امن و استحکام کا عزم کیے ہوئے ہے جبکہ پاکستان 37 سال سے افغان مہاجرین کی مہمان نوازی بھی کر رہا ہے۔

مزید : قومی