پی آئی اےملازمین کی تنخواہوں میں کٹوتی کا فیصلہ،کتنی تنخواہ پر کتنے فیصد کٹوتی ہو گی؟تفصیلات آ گئیں

پی آئی اےملازمین کی تنخواہوں میں کٹوتی کا فیصلہ،کتنی تنخواہ پر کتنے فیصد ...
پی آئی اےملازمین کی تنخواہوں میں کٹوتی کا فیصلہ،کتنی تنخواہ پر کتنے فیصد کٹوتی ہو گی؟تفصیلات آ گئیں

  

کراچی (ڈیلی پاکستان آن لائن) قومی ایئر لائن پی آئی اے انتظامیہ نے زیادہ تنخواہ یافتہ طبقے کی تنخواہوں میں عارضی کمی کا فیصلہ کر لیا،پی آئی اے کے سی ای او ایئر مارشل ارشد ملک نے کہا کہ پی آئی اے ایک دہائی سے زائد سے مالی خسارے میں ہے اور فضائی آپریشن 10فیصد رہ گیاہے، اسی لئے زیادہ تنخواہ یافتہ طبقے کی تنخواہوں میں عارضی کمی کافیصلہ کیاہے۔

تفصیلات کےمطابق قومی ایئر لائن کے سی ای او ایئرمارشل ارشد ملک نے ملازمین کے نام لکھے جانے والے خط میں کہا ہے کہ کورونا وائرس کے باعث عالمی سطح پر ائیرلائن انڈسٹری کو 314 ارب ڈالر کا نقصان ہوچکا، دنیا بھر میں ائیرلائن نے ملازمین کو ملازمتوں سے فارغ کیا ہے جبکہ کئی ائیرلائن نے ملازمین کو چھٹیوں پر بھی بھیج دیا ہے۔ائیرمارشل ارشد ملک نے کہا پی آئی اے بھی ایک دہائی سے زائد عرصے سے مالی خسارے میں ہے، کورونا کے باعث مارچ 2020 سے پی آئی اے کا فضائی آپریشن صرف 10فیصد رہ گیا،موجودہ حالات میں پی آئی اے نے زیادہ تنخواہ یافتہ طبقے کی تنخواہوں میں عارضی کمی کا فیصلہ کیا ہے، جس کے تحت گروپ ایک سے چار تک کے ملازمین کی تنخواہوں کمی نہیں کی جائے گی جبکہ ایک لاکھ سے 2 لاکھ روپے تنخواہ پر 10 فیصد، 2 لاکھ سے 5 لاکھ تک 15 فیصد اور 5 لاکھ سے زائد تنخواہ پر 25 فیصد کمی کا فیصلہ کیا ہے۔

ائیرمارشل ارشد ملک نے مزید کہا تنخواہوں میں کمی سب سے پہلے سی ای او اور پی آئی اے کے محکمانہ سربراہوں نے اپنے اوپر لی، تنخواہوں کمی کورونا کے باعث عارضی طور کیا ہے، فضائی آپریشن بحال ہوتے ہی تنخواہیں عام سطح پر بحال کردی جائیں گی۔

مزید :

علاقائی -سندھ -کراچی -