گوجرانوالہ،پولیس کارروائی،2ڈکیت گینگز کے 5ارکان
گوجرانوالہ(بیورورپورٹ) سٹی پولیس آفیسرمحمد ایاز سلیم نے ضلع بھر میں ڈکیتوں،چوروں اور جرائم پیشہ افراد کےخلاف سخت کارروائیاں کرنے کے احکامات جاری کر رکھے ہیں انہی احکامات کے پیش نظر ڈی ایس پی سرکل کامونکی ملک خالد کی زیرِنگرانی ایس ایچ او تھانہ صدر کامونکی سب انسپکٹرلقمان گوندل نے اپنی پولیس ٹیم کے ہمراہ اعلیٰ کارکردگی کا مظاہرہ کرتے ہوئے ڈکیتی اور چوری کی متعدد وارداتوں میں ملوث دوڈکیت گینگز کے پانچ ارکان کو گرفتار کر کے دوران تفتیش ان کے قبضہ سے دس لاکھ روپے نقدی،آٹھ عدد موٹر سائیکلیں ،آٹھ عدد موبائل فونز اور ناجائز اسلحہ برآمد کر لیا گرفتار کیے گئے ملزمان میں امجد،رضوان و دیگران شامل ہیں ۔
ابتدائی تفتیش میں گینگز کے ملزمان نے انکشاف کیا کہ انہوں نے تھانہ صدر کامونکی اور اس کے مضافات میں ڈکیتی ،راہزنی اور موٹر سائیکل چھیننے کی متعدد وارداتیں کی ہیں۔ ملزمان کے خلاف قانونی کاروائی جاری ہے۔
