صحافیوں کیلئے ہیلتھ انشورنس کی رقم مختص کرنے پر خوشی ہوئی، مریم اورنگزیب

  اسلام آباد (مانیٹر نگ ڈیسک) وفاقی وزیر اطلاعات مریم اورنگزیب نے کہا کہ یہ اعلان کرتے ہوئے مجھے بڑی خوشی ہو رہی ہے کہ پہلی بار بجٹ میں صحافیوں کے لئے ہیلتھ انشورنس کی رقم مختص کی گئی ہے۔وزیر اطلاعات نے کہا کہ مالی سال 2023-24 کے بجٹ میں ایک ارب روپے اسی مقصد کے لئے رکھے گئے ہیں، میں وزیراعظم شہباز شریف اور وزیر خزانہ اسحاق ڈار کا شکریہ ادا کرتی ہوں کہ اس اہم قدم کے لئے انہوں نے رقم فراہم کی۔مریم اورنگزیب نے کہا کہ بطور وزیر اطلاعات یہ میرے اولین مقاصد میں سے ایک تھا کہ ورکنگ جرنلسٹس کو خاص طور پر ان کی مشکل کی گھڑی میں یہ سہولت میسر آئے۔
مریم اورنگزیب