پرویز خٹک نے جہانگیر ترین کی جماعت میں شمولیت کی خبروں پر واضح پیغام جاری کر دیا 

 پشاور(ڈیلی پاکستان آن لائن ) تحریک انصاف کے رہنما پرویز خٹک نے پارٹی چھوڑنے کی خبروں کی تردید کردی ہے ۔
تفصیلات کے مطابق سابق وزیراعلیٰ خیبرپختوانخوا اور پی ٹی آئی کے رہنما پرویز خٹک نے ٹوئٹر پر بیان جاری کرتے ہوئے کہا کہ ” میں کرنا چاہتا ہوں کہ میری کسی دوسری پارٹی سے منسلک ہونے کی کوئی خواہش نہیں ہے ، نا ہی میری جہانگیر ترین کے ساتھ کوئی ملاقات ہوئی ہے ،میرے بارے میں سوشل میڈیا پر چلنے والی خبریں مکمل طور پر بے بنیاد اور جھوٹی ہیں ۔
یاد رہے کہ جہانگیر ترین اپنی نئی پارٹی ” استحکام پاکستان “ کا اعلان کر چکے ہیں جبکہ سوشل میڈیا پر پارٹی جھنڈا بھی شیئر کر دیا گیاہے جو کہ کافی وائرل ہو رہاہے ، پارٹی میں پاکستان تحریک انصاف چھوڑنے والے متعدد رہنما شامل ہو چکے ہیں جن میں فواد چوہدری بھی شامل ہیں ۔