بے چارہ عاشق ایک سال تک روزانہ شادی کی پیشکش کرتا رہااور محبوبہ بے خبر رہی

بے چارہ عاشق ایک سال تک روزانہ شادی کی پیشکش کرتا رہااور محبوبہ بے خبر رہی
بے چارہ عاشق ایک سال تک روزانہ شادی کی پیشکش کرتا رہااور محبوبہ بے خبر رہی

  


لاس اینجلس (نیوز ڈیسک) محبوبہ کو سرپرائز دینے کا شوقین ایک امریکی عاشق ایک سال تک اس سے اظہار محبت کرتا رہا مگر اس کثرت سے اظہار محبت کے باوجود محبوبہ آخر تک اس سے بے خبر رہی۔ ڈین سمتھ اپنی پسندیدہ دوشیزہ جینیفر کیسل کو شادی کی پیشکش کرنے کے لئے ہر روز ایک تحریر لکھتا اور اس کے ساتھ اپنی تصویر بنواتا۔ اس نے گزشتہ ایک سال کے دوران ہر روز یہ تحریر لکھی ’’پیاری جینیفر، کیا تم مجھ سے شادی کرو گی؟‘‘ اس نے 365 تصاویر تیار کیں اور سال کے اختتام پر ایک ساحل سمندر پر سیر کرتی ہوئی اپنی محبوبہ کے پاس تصاویر کا مجموعہ بھجوایا۔

مزید پڑھیں:دنیاکے مختلف ملکوں میں خوبصورتی کے الگ الگ مطلب مشہور فوٹو گرافر سامنے لے آئی ،حیرت انگیزتصاویر

جینیفر ایک ایک کرکے یہ تصاویر دیکھتی رہی اورجب آخری تصویر تک پہنچی تو اس پر لکھا تھا کہ وہ پیچھے مڑ کر دیکھے۔ جب اس نے پیچھے مڑ کر دیکھا تو ڈین سمتھ ایک دفعہ پھر وہی پیغام اپنی ہاتھوں میں تھامے کھڑا تھا۔ جینیفر یہ دیکھ کر جذباتی ہوگئی اور اس کی آنکھوں سے آنسو چھلک گئے۔ اس نے اپنے آنسو پونچھتے ہوئے اور مسکراتے ہوئے ڈین سمتھ کے 365ویں پیغام کے جواب میں ہاں کہہ دی ہے۔

مزید : ڈیلی بائیٹس


loading...