برطانوی پارلیمنٹ کی چھت پر رات گزارنے والا مشکوک شخص حراست میں لے لیاگیا

برطانوی پارلیمنٹ کی چھت پر رات گزارنے والا مشکوک شخص حراست میں لے لیاگیا

لندن(این این آئی)اسکاٹ لینڈ یارڈ نے برطانوی پارلیمنٹ کی چھت پر رات گزارنے والے ایک مشکوک شخص کو حراست میں لے لیا۔برطانوی میڈیا کے مطابق رات گئے لندن میں برطانوی پارلیمنٹ کی چھت پر ایک 23 سالہ نوجوان کی موجودگی کی اطلاع پر پولیس اور ریسکیو اہلکار موقع پر پہنچ گئے اور اسے نیچے لانے کیلئے مذاکرات شروع کردیئے اور بالآخر 8 گھنٹے کی کوششوں کے بعد اسے گرفتار کرلیا گیا۔اسکاٹ لینڈ یارڈ کا کہنا ہے کہ زیر حراست نوجوان سے تحقیقات کی جارہی ہیں تاہم فوری طورپر اس کے پارلیمنٹ کی چھت پر چڑھنے کی وجہ سامنے نہیں آسکی۔واضح رہے کہ اس سے قبل بھی احتجاجی مظاہرین اپنے مطالبات منوانے کیلئے پارلیمنٹ کی چھت کو استعمال کرچکے ہیں تاہم حتمی طورپر معلوم نہیں ہوسکا کہ اس نوجوان کا مقصد احتجاج کرنا تھا یا وہ کسی اور مقصد کے تحت پارلیمنٹ کی چھت پر موجود تھا۔

مزید : عالمی منظر


loading...