مطالبات پورے ہونے کی یقین دہانی نہ ہونے پر ایم کیوایم نے سینٹ سے غیرحاضری کی دھمکی دیدی
کراچی (مانیٹرنگ ڈیسک) متحدہ قومی موومنٹ نے مطالبات پور ے نہ ہونے پر سینٹ کے عہدیداروں کے انتخاب کے موقع پر غیرحاضری کی دھمکی دیدی۔
مقامی میڈیا کے مطابق ایم کیوایم کے قائد الطاف حسین نے رابطہ کمیٹی لندن ، کراچی اور سینٹ انتخابات کے لیے تشکیل کردہ کمیٹی سے بات چیت کرتے ہوئے کہاکہ مسلم لیگ ن اور پیپلزپارٹی متحدہ کے مطالبات پر عمل درآمد کی یقین دہانی نہیں کراتی ، رابطہ کمیٹی اور مذاکراتی کمیٹی کو سینٹ میں چیئرمین اور ڈپٹی چیئرمین کے انتخاب کا اختیار دیتاہوں ، ایم کیوایم چاہے توغیر حاضری کا فیصلہ کرسکتی ہے ۔