حکومت پاکستان نے بیرون ملک پاکستانیوں کو بڑی خوشخبری سنا دی

حکومت پاکستان نے بیرون ملک پاکستانیوں کو بڑی خوشخبری سنا دی
حکومت پاکستان نے بیرون ملک پاکستانیوں کو بڑی خوشخبری سنا دی

  


اسلام آباد (مانیٹرنگ ڈیسک) وزیر مملکت برائے ٹیلی کام و آئی ٹی انوشہ رحمان نے سمندر پار پاکستانیوں کو خوشخبری سناتے ہوئے بتایا ہے کہ حالیہ حکومتی اقدامات کے نتیجہ میں بیرون ملک سے پاکستان کال کا ریٹ کم ہو جائے گا۔ پی ٹی اے ہیڈ کوارٹرز میں ہونے والی پریس بریفنگ میں انہوں نے بتایا کہ ICH کے نفاذ کے بعد محض ایک ماہ کے دوران پاکستان آنے والی قانونی انٹرنیشنل کمیونیکیشن ٹریفک نصف رہ گئی جبکہ باقی نصف گرے ٹیلیفونی چینلز کی طرف منتقل ہو گئی۔

وہ شرمناک نوکری جس میں آپ کوپانچ لاکھ روپے ماہوار تنخواہ ملے گی لیکن پھر بھی آپ یہ کام نہیں کرناچاہیں گے

انہوں نے یہ بھی بتایا کہ ICH پالیسی کے نتیجہ میں بیرون ملک سے آنے والی کال کا ریٹ کم از کم 9 روپے مقرر کیا گیا تھا جبکہ حقیقتاً یہ ریٹ 14 سے 18 روپے فی منٹ تک پہنچ گیا تھا۔ ان کا کہنا تھا کہ مذکورہ صورتحال کی وجہ سے سعودی عرب نے معاہدے ختم کر دیئے اور سعودی عرب سے پاکستان آنے والی تمام قانونی وائس ٹریفک بند ہو گئی تھی۔ انہوں نے بتایا کہ حکومت نے کچھ مفاد پرست کمپنیوں کا عدالتوں میں مقابلہ کیا اوربالآخر ICH پالیسی کا ہمیشہ کیلئے خاتمہ ہو گیا ہے جس کا سب سے بڑا فائدہ سمندر پار پاکستانیوں کو کال ریٹ میں کمی کی صورت میں حاصل ہو گا۔

مزید : بزنس


loading...