میٹرو بس منصوبہ میں مبینہ کرپشن مقدمہ کی سماعت 17مارچ تک ملتوی
ملتان (سپیشل رپورٹر) جج احتساب عدالت ملتان نے میٹرو بس منصوبہ میں مبینہ طور پر ڈیڑھ ارب روپے سے زائد کرپشن کرنے کے مقدمہ کی سماعت 17 مارچ تک ملتوی(بقیہ نمبر23صفحہ12پر)
کردی گئی ہے۔ ملزم سابق پراجیکٹ ڈائریکٹر صابر خان صدوزئی سمیت دیگر ملزمان کی جانب سے دائر کردہ بریت کی درخواستوں پر نیب سے جواب طلب کیا ہے۔فاضل عدالت میں نیب ملتان کے مطابق ملزمان نے میٹرو بس منصوبہ کے تعمیراتی کام میں مبینہ طور پر ڈیڑھ ارب روپے سے زائد کی کرپشن کی تھی جس میں سابق چیف انجینئر ایم ڈی اے اور دیگر سرکاری افسران سمیت 25 ملزمان شامل ہیں۔ جن میں نذیر احمد چغتائی، خالد پرویز، شاہد نجم امانت علی،منعم سعید، ریاض حسین، منظور احمد، جاوید اقبال، رانا وسیم، فرخ حسن پاشا، فرحان حیدر،محمد سعید،عامر علی وسان، حافظ ساجد رفیق قریشی،محمد مسعود خان، سیف اللّٰہ آبرو، محمد خان، سلیمان خان، ظہیر خان، محمد عبدالقادر، محمد زاہد ندیم، سید مسعود حسین، عامر لطیف اور شاہد سلیم شامل ہیں۔ مذکورہ ملزمان کے خلاف 2018 میں ریفرنس دائر کیا گیا اور 5 نومبر 2019 کو فرد جرم بھی عائد ہوچکی ہے،ملزمان کے خلاف ایک ارب 53 کروڑ 30 لاکھ سے زائد کی کرپشن کا الزام ہے،ملزم سابق چیف انجینئر ایم ڈی اے صابر سدوزئی سمیت دیگر ملزمان نے مقدمہ سے بری کرنے کی درخواست دائر کی تھی۔ اور وکلاء نے بحث و جرح مکمل کرلی تھی اب نیب سے جواب طلب کرتے ہوئے عدالت نے سماعت ملتوی کردی ہے۔
ملتوی