صحافی عزیز میمن کی پوسٹ مارٹم رپورٹ جاری، موت قتل قرار

صحافی عزیز میمن کی پوسٹ مارٹم رپورٹ جاری، موت قتل قرار
صحافی عزیز میمن کی پوسٹ مارٹم رپورٹ جاری، موت قتل قرار

  



سکھر(ڈیلی پاکستان آن لائن) صحافی عزیز میمن کی پوسٹ مارٹم رپورٹ جاری ہوگئی جس میں صحافی کی موت کو قتل قرار دیا گیا ہے۔

نجی ٹی وی ایکسپریس نیوز کے مطابق سکھر میرپور ماتھیلو میں پراسرار طور پر جاں بحق ہونے والے صحافی عزیز میمن کی حتمی پوسٹ مارٹم رپورٹ جاری کردی گئی ہے جس میں ان کی موت کو قتل قرار دیا گیا ہے۔

پوسٹ مارٹم رپورٹ ڈاکٹر تحسین میمن اور ڈاکٹر زاہد شیخ کے دستخط سے جاری کی گئی جس میں بتایا گیا ہے کہ عزیز میمن کی موت طبعی نہیں ہوئی بلکہ ان کا زندہ حالت میں سانس بند کیا گیا جس سے ان کی موت واقع ہوئی۔

واضح رہے کہ حتمی پوسٹ مارٹم رپورٹ جاری ہونے کے بعد سٹینڈنگ کمیٹی کے سامنے دیا گیا پولیس کا بیان جھوٹا ثابت ہوگیا جس میں سندھ پولیس نے صحافی کی موت طبعی قرار دیا تھا۔

مزید : اہم خبریں /علاقائی /سندھ /سکھر