عرشی خان نے اپنا خواب پورا کرلیا
ممبئی (ویب ڈیسک) بھارت کے رئیلیٹی شو بگ باس کے سیزن 14 میں چیلنجرز کی حیثیت سے قدم رکھنے والی متنازع کنٹسٹنٹ عرشی خان نے ممبئی میں اپنا گھر خرید لیا، عرشی خان نے اپنے حالیہ انٹرویو میں کہا کہ ’میں نے ہمیشہ ایک خواب دیکھا تھا کہ میں اپنے خوابوں کے شہر ممبئی میں اپنا گھر بناؤں اور مجھے یقین نہیں آرہا کہ میرا خواب پورا ہوگیا۔‘
View this post on Instagram
اپنے انٹرویو میں عرشی خان نے کہا کہ ’میں کل رات تک کرائے کے مکان میں رہ رہی تھی لیکن اب ممبئی میں میرا اپنا ذاتی گھر ہے اور مجھے خود پر بےحد فخر بھی محسوس ہورہا ہے، میں اپنے رب کی بےحد شکرگزار ہوں کہ جو ہر اچھے برے وقت میں میرے ساتھ ہوتا ہے اور مجھے بےشمار نعمتوں سے نوازتا ہے۔‘
View this post on Instagram
عرشی خان نے کہا کہ ’میں اپنے والدین کا شکریہ ادا کروں گی کیونکہ اُنہوں نے مجھ پر بھروسہ کیا اور اس کے ساتھ ہی خصوصی طور پر سلمان خان اور بگ باس کا بھی شکریہ ادا کروں گی،ممبئی میں یہ میری پہلی پراپرٹی ہے۔‘انہوں نے کہا کہ نئے گھر میں منتقل ہونا ’سر درد ‘ ہوسکتا ہے لیکن میرے لیے یہ تفریح کا ماحول لگ رہا ہے۔‘
View this post on Instagram
عرشی نے کہا کہ ’میں اپنے نئے گھر میں چیزوں کو اپنے طریقے سے ڈیزائن کر رہی ہوں جبکہ اس ضمن میں ڈیزائنرز بھی میری مدد کر رہے ہیں اور وہ ایسی چیزیں بنا رہے ہیں جس طرح میری خواہش ہے،میرے نئے گھر کی ڈیزائننگ کا زیادہ تر کام ختم ہوگیا ہے۔‘
View this post on Instagram
واضح رہے کہ عرشی خان اس سے قبل بگ باس کے سیزن 11 میں بھی جلوہ گر ہوئی تھیں اور بگ باس کی وجہ سے ہی عرشی خان کی مقبولیت میں کافی حد تک اضافہ ہوا۔
