کرپشن کیس : محمد خان بھٹی اینٹی کرپشن عدالت پیش ، جوڈیشل ریمانڈ پر جیل بھیج دیا گیا 

 لاہور، رحیم یار خان (اپنے نمائندہ سے،مانےٹرنگ ڈےسک ) سیکرٹری پنجاب اسمبلی محمد خان بھٹی کو رحیم یار خان کی اینٹی کرپشن عدالت میں پیش کر دیا گیا ۔ جج کے روبرو بیان میں محمد خان بھٹی کا کہنا تھا کہ میں نے کوئی اعترافی بیان نہیں دیا نہ ہی کوئی 164 کا بیان دیا ہے، مجھ سے منسوب بیان کے متعلق میڈیا پر چلنے والی خبریں بے بنیاد ہیں۔حیم یار خان کی عدالت نے پرویز ا لٰہی کے پرنسپل سیکرٹری محمد خان بھٹی کو کرپشن کیس میں جوڈیشل ریمانڈ پر ڈسٹرکٹ جیل بھیج دیا ، عدالت نے محمد خان بھٹی کا مزید ریمانڈ نہیں دیا،عدالت نے محمد خان بھٹی کے وکلا ءکے دلائل سے اتفاق کرتے ہوئے اینٹی کرپشن کی مزید ریمانڈ کی استدعا مسترد کر دی، عدالت نے محمد خان بھٹی کو جوڈیشل کر دیا،ترجمان کے مطابق محکمہ اینٹی کرپشن لاہور نے محمد خان بھٹی کو لاہور لانے کے لئے راہداری ریمانڈ کی درخواست عدالت میں جمع کروا دی ہے۔ محمد خان بھٹی کو لاہور ریجن اے میں درج مقدمہ 3/23 میں لاہور لا نے کے لئے چار رکنی ٹیم رحیم یار خان سے لاہور منتقل کرے گی۔بعد ازاں محمد خان بھٹی کے وکیل چودھری منظور وڑائچ نے میڈیا سے گفتگو کرتے ہوئے کہا کہ محمد خان بھٹی کے خلاف ایف آئی آر بالکل جھوٹی اور بے بنیاد ہے، ایسا کوئی ثبوت موجود نہیں ہے جو محمد خان بھٹی کو ملزم ثابت کر سکے، وثوق سے کہتا ہوں کہ محمد خان بھٹی کا بیان جبر سے لیا گیا ہے ، محمد خان بھٹی نے چودھری پرویز ا لٰہی اور چودھری مونس ا لٰہی کے خلاف کوئی بیان نہیں دیا ۔معزز عدالت سے بھی کہا کہ ابھی انہوں نے دستاویزات اکٹھا کرنی تھی تو پھر ایف آئی آر کیسے دے کر محمد خان بھٹی کو پابند سلاسل کیا گیا ۔
 
 محمد خان بھٹی