نگران وزیراعلیٰ پنجاب کا خواتین کیلئے سیفٹی ایپ فعال کرنے کا حکم
لاہور(کرائم رپورٹر)نگران وزیراعلیٰ پنجاب محسن رضا نقوی نے خواتین کے لیے سیفٹی ایپ کو فعال کرنے کا حکم دے دیا۔ذرائع کے مطابق وزیراعلیٰ محسن نقوی کو انسپکٹر جنرل پولیس ڈاکٹر عثمان انور اور چیئرمین پنجاب انفارمیشن ٹیکنالوجی بورڈ فیصل یوسف نے خواتین کی مدد کے لیے بنائی گئی ایپ "میری آواز" بارے بریفنگ دی۔نگران وزیراعلیٰ پنجاب کو دوران بریفنگ بتایا گیا کہ ہراسانی کا شکارخواتین "میری آواز" کا بٹن دبا کر فوری مدد حاصل کرسکیں گی،"میری آواز" ایپ کو پنجاب بھر میں خواتین کی مدد کیلئے استعمال کیا جائے گا، پنجاب انفارمیشن ٹیکنالوجی بورڈ کی ایپ "میری آواز" استعمال میں آسان ترین ہوگی،وزیراعلیٰ محسن نقوی نے خواتین کیلئے سیفٹی ایپ فنکشنل کرنے اور آئی جی کمپلینٹ 1787 ہیلپ لائن کوبھی خواتین کے تحفظ کیلئے مزید فعال بنانے کی ہدایت کی۔
