ساندہ کے علاقے سے ڈولفن پولیس نے جعلی پولیس اہلکاروں گرفتار کرلیا

لاہور(کرائم رپورٹر)ڈولفن پولیس نے جعلی پولیس اہلکار وں کو گرفتار کرلیا ایس پی ڈولفن زوہیب رانجھا کے مطابق ساندہ کے علاقے میں ڈولفن نے دوران پٹرولنگ پولیس یونیفارم میں شہریوں سے وارداتیں کرنیوالے 2 ملزمان کو گرفتار کر کے ملزمان کے قبضہ سے 2 موبائلز،موٹر سائیکل برآمد کر لی اور ملزمان کو مزید تفتیش کے لیے تھانہ ساندہ کے حوالے کر دیا،ایس پی ڈولفن نے مزید بتایا کہ ملزمان نے ایلیٹ فورس سے مشابہہ ٹریک سوٹ پہن رکھا تھا انہوں نے 2 روز قبل ایم اے او کالج کے قریب پولیس یونیفارم میں شہری سے واردات بھی کی تھی۔دونوں ملزمان پر چوری،ڈکیتی،راہزنی،دیگر سنگین جرائم کے مقدمات درج ہیں۔