وفاقی اور نگران پنجاب حکومت نے ظلم کی انتہا کر دی،پرویزالٰہی 

 لاہور(نمائندہ خصوصی) سابق وزیراعلیٰ پنجاب و مرکزی صدر   تحریک انصا ف پرویزالٰہی سے سابق ارکان اسمبلی اور سیاسی رہنماؤں نے ملاقات کی۔ ملاقات میں سابق صوبائی وزیر محمد بشارت راجہ، میاں شفیع محمد، سلیم بریار، جی ایم سکندر اور دیگر بھی موجود تھے۔  پرویزالٰہی نے   کہا کہ نا اہل حکمران زیادتیوں کی انتہا کئے جا رہے ہیں، وفاقی اور نگران پنجاب حکومت نے ظلم کی انتہا کر دی ہے۔سابق چیئرمین شکایت سیل زبیر احمد خان کو گزشتہ روز گھر کے باہر سے فیملی کے سامنے اغوا کر لیا گیا، فیملی کو ہراساں کرنے کے ساتھ ساتھ دھمکایابھی گیا،جن کی بھرپور مذمت کرتے ہیں۔ انہوں نے کہا کہ زبیر احمد خان نے سیلاب کے دوران پاکستان آرمی کے ساتھ مل کر ترکیہ کی جانب سے قائم ترکش سوسائٹی کے ساتھ مل کر شانہ بشانہ کام کیا۔  

پرویزالٰہی