تحریک انصاف سیاسی جماعت نہیں فتنہ پارٹی بن چکی ہے،اشرف بھٹی

لاہور ( نمائندہ خصوصی)پیپلز پارٹی لاہور کے سنیئر نائب صدر محمد اشرف بھٹی نے کہا ہے کہ تحریک انصاف کوئی سیاسی جماعت نہیں بلکہ ایک فتنہ فساد پارٹی بن چکی ہے اور اس پارٹی کو سوائے اپنی زات کے اور کسی چیز کے ساتھ کوئی تھوڑی بہت بھی دلچسپی نہیں ہے ایک مرتبہ پھر پی ٹی آئی جیسی ایک فتنہ پارتی نے گزشتہ روز لاہوریوں کا سکھ چین تباہ کرنے کی کوشش کی ہے تقریبا ایک سال ہونے کو ہے عمرانی فتنے کو گلی،گلی گھومتے ہوئے اور یہ کہتے ہوئے کہ مجھے فلاں نے نکالا،فلاں نے نکالا ایک طرف یہ شخص آنکھیں دکھاتا ہے تو جب آنکھیں دکھانے کے باوجود اس کو کہیں سے کوئی گھاس نہیں ملتی تو پھر ترلے اور منتوں پر اتر آتا ہے۔

 سیاست کی تاریخ میں عمرانی فتنے جیسا غیر سنجیدہ کریکٹر آج تک نہیں آیا ہوگا اس شخص کی وجہ سے آج ملک سیاسی طور پر ایک ہیجانی کیفیت میں مبتلا ہے جس کی ہم مذمت کرتے ہیں۔