فواد چوہدری کیخلاف توہین عدالت کی درخواست ناقابل سماعت قرار
لاہور (ڈیلی پاکستان آن لائن) لاہور ہائیکورٹ نے سینئر نائب صدر تحریک انصاف فواد چوہدری کیخلاف توہین عدالت کی درخواست ناقابل سماعت قرار دے دی۔
نجی ٹی وی ڈان نیوز کے مطابق لاہور ہائیکورٹ میں فواد چوہدری کےعدلیہ کیخلاف مبینہ بیان پر کارروائی کی درخواست دائر کی گئی، درخواست میں موقف اختیار کیا گیا کہ فواد چوہدری نے عدلیہ کو سکینڈلائز کرنے کی کوشش کی، جسٹس شجاعت علی خان نے مقامی وکیل کی درخواست پر سماعت کی تاہم درخواست کو ناقابل سماعت قرار دے دیا۔
عدالت نے سینئر نائب صدر تحریک انصاف فواد چوہدری کیخلاف توہین عدالت کی درخواست خارج کر دی۔
