خیبرپختونخوا میں قومی اسمبلی کے3 حلقوں پرضمنی انتخابات 30اپریل کو ہوں گے , شیڈول جاری
پشاور (این این آئی)خیبرپختونخوا میں قومی اسمبلی کے3 حلقوں پرضمنی انتخابات 30اپریل کو ہوں گے جن کا شیڈول جاری کردیا گیا ہے۔ قومی اسمبلی کے 3حلقے جن میں این اے 22مردان، این اے 24چارسدہ اور این اے31پشاور شامل ہیں۔ شیڈول کے مطابق11مارچ کو ریٹرننگ افسران پبلک نوٹس جاری کریں گے جبکہ 12سے 14مارچ تک کاغذات نامزدگی جمع کرائے جاسکیں گے۔ پھر22مارچ تک ان کاغذات کی جانچ پڑتال کی جائے گی اور 4 اپریل کو امیدواروں کی نظرثانی شدہ فہرست جاری کی جائے گی۔اس کے علاوہ 6اپریل 2023کو امیدواروں کی حتمی فہرست جاری ہوگی جس کے بعد 3 حلقوں پر پولنگ 30اپریل 2023کو ہوگی۔
