امریکی ڈالر ایک روپے 53 پیسے گرنے کے بعد کس ریٹ پر بند ہوا؟
کراچی (ڈیلی پاکستان آن لائن) انٹربینک مارکیٹ میں ڈالر کی قیمت میں آج گراوٹ دیکھی گئی جس کے بعد 280 روپے 77 پیسے پر بند ہو گیا۔
نجی ٹی وی دنیا نیوز کے مطابق کاروباری ہفتے کے آخری روز امریکی کرنسی کی قیمت میں ایک روپیہ 53 پیسے کی کمی ہوئی۔ قبل ازیں آج جب کاروبار شروع ہوا تو ڈالر 30 پیسے کمی کے ساتھ 282 روپے پر ٹریڈ کر رہا تھا۔
یاد رہے کہ گزشتہ روز انٹربینک میں ڈالر 3 روپے 18 پیسے مہنگا ہو کر282 روپے 30 پیسے پر بند ہوا تھا۔
