درونز کے ذریعے پنجاب سے سرحد پار منشیات کی سمگلنگ ناکام،3ملزمان گرفتار

                                                                         لاہور(کر ائم رپو رٹر)اینٹی نارکوٹکس فورس اے این ایف نے آپریشن کرتے ہوئے ڈرونز کے ذریعے پنجاب سے سرحد پار منشیات سمگلنگ کی کوشش ناکام بنا دی 3 ملزمان گرفتار کر لئے گئے ترجمان کے مطابق آپریشن پنجاب سے متصل انٹرنیشنل بارڈر کے قریب کیا گیا، کواڈ کاپٹرز کے ذریعے انٹرنیشنل منشیات سمگلنگ گینگ کیخلاف کامیاب کارروائی کی گئی ترجمان کا کہنا ہے کہ گرفتار ملزمان منشیات سمگلنگ میں ملوث ہیں ، ملزمان محمد منیر اور عدیل احمد کا تعلق بین الاقوامی سطح پر منشیات سمگلنگ میں ملوث تنظیموں سے ہے اور انہیں 13 کلو گرام ہیروئن اور 8 کواڈ کاپٹرز کے ساتھ گرفتار کیا گیا ترجمان اے این ایف کے مطابق دوران تفتیش ملزمان نے بین الاقوامی روابط کے حامل منظم گینگ کے طور پر کام کرنے کا انکشاف کیا ملزمان نے تیسرے ملک کے ذریعے رقم کی ٹرانزیکشنز کرنے کا بھی اعتراف کر لیاترجمان کے مطابق ضبط کئے گئے کواڈ کاپٹرز/ڈرونز جدید ٹیکنالوجی سے لیس ہیں، ضبط شدہ کواڈ کاپٹرز آٹو ریٹرن فیچر کے ساتھ 15 کلو میٹر کے فاصلے تک پرواز کر سکتے ہیں۔

 ،اے این ایف ملوث نیٹ ورکس سےنمٹنے کے لئے بین الاقوامی تعاون پر کاربند ہے۔