سینیٹ کی 48 نشستوں پر انتخابات کیلئے الیکشن کمیشن نے ریٹرننگ افسران مقرر کردیئے
اسلام آباد (ڈیلی پاکستان آن لائن ) الیکشن کمیشن نے سینیٹ کی 48 نشستوں پر انتخابات کے لئے ریٹرننگ افسران مقرر کردیئے۔
دنیا نیوزنے ذرائع کے حوالے سے بتایا کہ چاروں صوبوں سے سینیٹ کی 7، 7 جنرل نشستوں، خواتین اور ٹیکنوکریٹ کی 2،2 نشستوں پر انتخابات ہوں گے، پنجاب اور سندھ سے ایک، ایک اقلیتی نشست پر بھی انتخاب ہوگا۔الیکشن کمیشن ذرائع کا کہنا ہے کہ اسلام آباد کی ایک جنرل اور ایک ٹیکنوکریٹ نشست پر انتخاب ہوگا۔
ذرائع نے کہا کہ کہ چاروں صوبوں میں سینیٹ انتخابات کے لئے متعلقہ صوبائی الیکشن کمشنر ریٹرننگ افسران مقرر کر دیئے گئے جبکہ اسلام آباد کے لئے ڈی جی ٹریننگ الیکشن کمیشن ریٹرننگ افسر مقرر کئے گئے ہیں۔
