مولانا طارق جمیل کو دبئی میں کینیڈا جانیوالی فلائٹ سے آف لوڈ کردیا گیا

مولانا طارق جمیل کو دبئی میں کینیڈا جانیوالی فلائٹ سے آف لوڈ کردیا گیا
مولانا طارق جمیل کو دبئی میں کینیڈا جانیوالی فلائٹ سے آف لوڈ کردیا گیا

  

دبئی(ڈیلی پاکستان آن لائن)معروف مذہبی سکالر مولانا طارق جمیل کو دبئی میں کینیڈا جانے والی فلائٹ سے آف لوڈ کردیا گیا ہے۔

تفصیلات کے مطابق مولانا طارق جمیل قومی کرکٹر شاہد آفریدی کے ساتھ کینیڈا جارہے تھے کہ  دبئی ایئرپورٹ حکام نے انہیں سکیورٹی کلیئرنس نہ ہونے کی وجہ سے آف لوڈ کردیا۔

’میں نے اپنی کمائی کی ایک ایک پائی اپنی بیٹیوں کی تعلیم پر خرچ کردی، لیکن انہیں آج تک نہیں بتایا کہ میں کام کیا کرتا ہوں تاکہ وہ عزت کی زندگی گزارسکیں‘ یہ بات کہنے والا یہ باپ کام کیا کرتا ہے؟ جان کر آپ کی آنکھوں میں بھی آنسو آجائیں گے

شاہد آفریدی نے اس بارے بتایا کہ مولانا طارق جمیل کوکینیڈین حکام کی ہدایت پرفلائٹ سے آف لوڈ کیا گیا جبکہ ان کے پاس تمام دستاویزات اور کینیڈا کا ویزہ موجود تھا۔آفرید ی نے مزید کہا کہ غیر ملکی ایئرلائن عملے سے کہا گیا کہ مولانا کی سیکیورٹی کلیئرنس نہیں ہے اس لئے وہ کینیڈا کا سفر نہیں کرسکتے۔

واضح رہے کہ مولانا طارق جمیل شاہد آفریدی کےساتھ کینیڈا کے شہر ٹورنٹو جارہے تھے جہاں ان کو شاہد آفریدی فاﺅنڈیشن کیلئے چیریٹی ڈنر میں شرکت کرنا تھی۔قومی کرکٹر کی جانب سے کہا گیا کہ مولانا کی سکیورٹی کلیئرنس کے لئے کینیڈین حکام سے رابطہ کیا ہے اور امید ہے کہ جلد ہی اس معاملے کو حل کرلیا جائے گا اور کوشش کی جارہی ہے کہ مولانا طارق جمیل اگلی فلائٹ سے کینیڈا پہنچ سکیں۔

مزید :

قومی -