رمضان میں عمرہ کی سعادت، وزیراعظم اور ان کی اہلیہ کی عمرہ ادائیگی کی مزید تصاویر سامنے آگئیں
اسلام آباد ( ڈیلی پاکستان آن لائن ) وزیر اعظم عمران خان اور خاتون اول بشریٰ بی بی نے اتوار کے روز عمرہ کی سعادت حاصل کی ۔ وزیر اعظم کی ان کی اہلیہ کے ہمراہ عمرہ ادائیگی کی مزید تصاویر سامنے آگئی ہیں ۔
گزشتہ روز وزیر اعظم اپنی اہلیہ اور وفد کے ہمراہ مدینہ منورہ میں روضہ رسول ﷺ پر حاضری دینے کے بعد مکہ مکرمہ پہنچے ۔ وزیر اعظم کی جانب سے سماجی رابطے کی سائٹ انسٹاگرام پر شیئر کی گئی تصاویر میں وزیر اعظم اور خاتون اول کو طواف کرتے دیکھا جا سکتا ہے ۔
ایک دوسری تصویر میں وزیر اعظم حجر اسود کا بوسہ لے رہے ہیں جبکہ بشریٰ بی بی ان کے ہمراہ کھڑی ہیں ۔
اس موقع پر وزیر اعظم کیلئے خانہ کعبہ کے دروازے کھولے گئے جہاں انہوں نے اپنی اہلیہ کے ہمراہ نوافل ادا کئے ۔
