بغداد ،بم دھماکے ،متعدد افراد ہلاک

بغداد ،بم دھماکے ،متعدد افراد ہلاک

  

بغداد (اے پی پی) عراق کے دارالحکومت بغداد میں کار بم دھماکے میں متعدد افراد ہلاک و زخمی ہو گئے جبکہ سیکیورٹی فورسز نے ایک کارروائی میں داعش کے 40جنگجووں کو ہلاک کرنیکا دعویٰ کیاہے۔

عراقی میڈیا کے مطابق بغداد آپریشنل کمان کے ترجمان نے بتایا کہ بغداد کے مشرق میں واقع الامین الثانی کے علاقے میں کار بم دھماکے میں کئی افراد ہلاک و زخمی ہو گئے۔ دریں اثناء عراقی پولیس کے ایک اعلی عہدیدار نے کہا ہے کہ موصل کو دہشت گردوں کے قبضے سے آزاد کرانے کی کارروائی کے دوران البوسیف کے علاقے میں دہشت گردوں کے ایک ٹھکانوں پر شدید بمباری کی گئی جس میں داعش کے کم از کم چالیس جنگجو مارے گئے ۔مرنے والوں میں تنظیم کا اہم سرغنہ احمد حافظ بھی شامل ہے۔ ۔ دوسری جانب عوامی رضاکار فورس الحشدالشعبی نے موصل کے مغرب میں تلعفر ایئرپورٹ کا محاصرہ کر لیا ہے

مزید :

عالمی منظر -