وزیراعظم عمران خان نے لاہور میں شیلٹر ہوم منصوبے کا سنگ بنیاد رکھ دیا

وزیراعظم عمران خان نے لاہور میں شیلٹر ہوم منصوبے کا سنگ بنیاد رکھ دیا
وزیراعظم عمران خان نے لاہور میں شیلٹر ہوم منصوبے کا سنگ بنیاد رکھ دیا

  

لاہور(ڈیلی پاکستان آن لائن)وزیراعظم عمران خان نے لاہور میں شیلٹر ہوم منصوبے کا سنگ بنیاد رکھ دیا،وزیراعظم کو شیلٹر ہوم منصوبے سے متعلق بریفنگ دی گئی ،تقریب میں وزیراعلیٰ پنجاب سردار عثمان بزدار اور دیگر شریک ہوئے۔

تفصیلات کے مطابق وزیراعظم عمران خان نے شیلٹرہوم منصوبے کا سنگ بنیاد رکھ دیا،شیلٹرہوم بے سہارااورغریب افرادکیلئے بنائے جائیں گے، وزیراعظم کو شیلٹر ہوم منصوبے سے متعلق بریفنگ دی گئی ، منصوبے کے تحت حکومت پنجاب پہلے مرحلے میں لاہور میں پانچ شیلٹر ہوم قائم کرے گی،تقریب میں وزیراعلیٰ پنجاب سردار عثمان بزدار اور دیگر شریک ہوئے۔

دورہ لاہور میں وزیراعظم ایوان وزیر اعلیٰ بھی جائیں گے جہاں وزیراعلیٰ سردار عثمان بزدار سے ان کی ون آن ون ملاقات ہوگی۔ وزیراعلیٰ سردار عثمان بزدار وزیراعظم کو حکومت پنجاب کی کارکردگی بارے بریف کریں گے۔ وزیراعظم عمران خان صوبائی وزرا سے بھی مشاورت کریں گے، وزرا اپنے محکموں بارے اقدامات سے وزیراعظم کو آگاہ کریں گے ، صوبائی وزرا کی 70 روزہ کارکردگی کو مد نظر رکھتے ہوئے وزرا کے مستقبل اور انکے محکموں کی تبدیلیوں کے حوالے سے اہم فیصلے بھی متوقع ہیں۔وزیر اعظم 100روزہ پلان پر حکومت پنجاب کی مجموعی تیاریوں پر بھی بریفنگ لیں گے۔ وزیر اعظم کی بیور و کریسی کے اعلیٰ حکام کے ساتھ بھی ملاقاتیں شیڈول میں شامل ہیں۔

مزید : قومی /علاقائی /پنجاب /لاہور