پلان یہی تھا  نتائج کا نہیں سوچیں گے‘صائم ایوب 

سڈنی (این این آئی)قومی ٹیم کے اوپنر بیٹر صائم ایوب نے بتایا ہے کہ آسٹریلیا کے خلاف کیا پلان بنایا تھا۔صائم ایوب نے 82 رنز کی برق رفتار اننگز کھیلی، ان کی اننگ میں پانچ چوکے اور چھ بلند و بالا چھکے شامل تھے۔ میچ کے بعد میڈیا سے گفتگو کرتے ہوئے اوپنر صائم ایوب نے کہا کہ بولر کوئی بھی ہو بال تو ہاتھ سے ہی کروارہا تھا، بس گیند کو دیکھنا ہے اور خود پر بھروسہ رکھ کر شاٹ کھیلنا ہے۔انہوں نے کہا کہ پلان یہی تھا کہ نتائج کا نہیں سوچیں گے، مثبت انداز میں کھیلیں گے۔صائم ایوب نے کہا کہ حارث رؤف نے دباؤ بنایا، دوسرے بولرز نے بھی ان کو سپورٹ کیا۔