پرتھ(ڈیلی پاکستان آن لائن)پاکستان نے تیسرے ون ڈے میں بھی آسٹریلیا کو 8وکٹ سے شکست دے کر سیریز اپنے نام کرلی،آسٹریلیا کا 141رنز کا ہدف پاکستان نے 27ویں اوورز میں باآسانی حاصل کرلیا۔
پاکستان نے آسٹریلیا کے خلاف ون ڈے سیریز جیت لی،پاکستان نے آسٹریلیا کو 3میچز کی ون ڈے سیریز میں 1-2سے شکست دیدی،22 سال بعد پاکستان نے آسٹریلیا کو آسٹریلیا میں ون ڈے سیزیز ہرا دی۔
پاکستان کی جانب سے اننگز کا آغاز صائم ایوب اور عبداللہ شفیق نے کیا،پاکستان کی پہلی وکٹ 84رنز پر گری ،عبداللہ شفیق 37رنز کر آوٌٹ ہوئے۔پاکستان کے دوسرے آؤٹ ہونے والے بلے باز صائم ایوب تھے جو 42رنز بنا کر 85کے مجموعی سکور پر آؤٹ ہوئے۔بابراعظم 28اور محمد رضوان 30رنز بنا کر ناٹ آؤٹ رہے۔
قبل ازیں قومی ٹیم کے کپتان محمد رضوان نے ٹاس جیت کر کینگروز کو پہلے بیٹنگ کی دعوت دی۔ 3 ون ڈے میچز کی سیریز کے فیصلہ کن معرکے میں شاہینوں نے کینگروز کو 140رنز پر ڈھیر کر دیا،آسٹریلوی ٹیم 31.5اوورز میں140رنز بنا کر ڈھیر ہو گئی اور پاکستان کو جیت کیلئے 141رنز کا ہدف دیدیا۔
میزبان آسٹریلیا کی پہلی وکٹ 20 رنز پر گری، آسٹریلوی اوپنر بلے باز جیک فریزر 9 گیندوں پر 7 رنز بنا کر نسیم شاہ کی گیند پر محمد رضوان کو کیچ تھما بیٹھے، کینگروز کا دوسرا نقصان 39 رنز پر ہوا جب آرون ہارڈی شاہین آفریدی کی گیند پرآغا سلمان کے ہاتھوں کیچ آؤٹ ہوئے۔جوش انگلیس 56کے مجموعی سکور پر آؤٹ ہوئے.
آسٹریلیا کے 72کے مجموعی سکور پر چوتھے آؤٹ ہونے والے کھلاڑی میتھیو شارٹ 22رنز پر حارث رؤف کاشکار بنے۔ پاکستان کیخلاف آسٹریلیا کی پانچویں وکٹ79رنز پر گر گئی ،گلین میکسویل کو صفر پر حارث رؤف نے آؤٹ کیا۔
آسٹریلیا کے آوٌٹ ہونے والے چھٹے کھلاڑی مارکس اسٹوئنس تھے جنہیں محمد حسنین نے 8رنز پر ڈھیر کیا۔آسٹریلیا کے ساتویں آؤٹ ہونے والے کھلاڑی ایڈم زیمپا تھے جو 13رنز بنا کر 118کے مجموعی سکور پر پویلین لوٹ گئے۔آسٹریلیا کی 8ویں وکٹ 140رنز پر گرگئی،شان ایبٹ کو 30رنز پر شاہین شاہ نے آؤٹ کیا،پاکستان کیخلاف آسٹریلیا کی نویں وکٹ بھی 140رنز پر گر گئی،کوپر کونولی 7رن بنا کر ریٹائرڈ ہرٹ ہوئے۔
پاکستان کی جانب سے نسیم شاہ، شاہین شاہ آفریدی نے 3،3کھلاڑیوں کو آؤٹ کیا، حارث رؤف نے دو اور محمد حسنین نے ایک وکٹ حاصل کی۔
پاکستان کو سکواڈ صائم ایوب، عبداللہ شفیق، بابر اعظم، محمد رضوان (کپتان)، کامران غلام، سلمان آغا، عرفان خان، شاہین شاہ آفریدی، نسیم شاہ، حارث رؤف، محمد حسنین پر مشتمل ہے۔
آسٹریلیا کے سکواڈ میں میٹ شارٹ، جیک فریزر میک گرک، آرون ہارڈی، جوش انگلیس (کیپٹن)، کوپر کونولی، مارکس اسٹوئنس، گلین میکسویل، شان ایبٹ، ایڈم زیمپا، اسپینسر جانسن، لانس مورس شامل ہیں۔