کراچی ، رانگ وے پر جانے والوں کو گرفتارکرنے کا فیصلہ

کراچی (اسٹاف رپورٹر) شہر قائد والے ہوشیار جائیں ، رانگ وے پر جانے والوں کو گرفتار کرلیا جائے گا، کراچی ٹریفک پولیس نے رانگ وے پر آنے والوں کیخلاف کریک ڈان کا آغاز کردیا ہے۔تفصیلات کے مطابق کراچی ٹریفک پولیس نے رانگ وے سے آنے والوں کی گرفتاری کا فیصلہ کرلیا، گرفتاری زیر دفعہ دوسواناسی کے تحت ہوگی، رانگ وے آنیوالے کو گرفتار کرکے گاڑی ضبط کرلی جائے گی۔ایڈیشنل آئی جی امیر شیخ کے احکامات پر ٹریفک پولیس کی جانب سے رانگ وے پر آنے والوں کیخلاف کریک ڈان شروع کردیا گیا اور دو پولیس اہلکار کو گرفتار کرلیا ہے۔شہر بھر میں ٹریفک قوانین خصوصا رانگ وے پر آنے والی درجنوں گاڑیاں اور موٹر سائیکلیں ضبط کرلیں گئی ہیں۔خیال رہے کہ شہر میں جگہ جگہ سڑکیں یا تو کھدی ہوئی ہیں یا جگہ جگہ بڑے بڑے گڑھے پڑے ہوئے ہیں جن کی وجہ سے بھی ٹریفک کے مسائل سنگین تر ہوتے جارہے ہیں۔