وزیراعظم 50 لاکھ گھروں کی تعمیر کے منصوبے کا افتتاح آج کریں گے

وزیراعظم 50 لاکھ گھروں کی تعمیر کے منصوبے کا افتتاح آج کریں گے
وزیراعظم 50 لاکھ گھروں کی تعمیر کے منصوبے کا افتتاح آج کریں گے

  


اسلام آباد(ڈیلی پاکستان آن لائن) وزیراعظم عمران خان 50 لاکھ گھروں کی تعمیر کے منصوبے کا آج افتتاح کریں گے، جس کے پہلے مرحلے میں گریڈ ایک سے 16 تک کے سرکاری ملازمین رجسٹریشن کرانے کے اہل ہوں گے۔

میڈیا رپورٹس کے مطابق عمران خان آج شام 5 بجے وزیراعظم آفس میں منصوبے کا افتتاح کریں گے۔مکانات کےلئے رجسٹریشن کا اعلان بھی آج ہی کیا جائے گا، تاہم رجسٹریشن کا مطلب مکانوں کی الاٹمنٹ نہیں بلکہ ضرورت مندوں کا پتہ لگانا ہے۔اس سلسلے میں عوام کا ڈیٹا اکٹھاکرنے کی ذمہ داری نادرا کو دی جائے گی۔

حکومت نے اس منصوبے کےلئے 'اپنا گھر اتھارٹی' کے نام سے نیا ادارہ بنانے کا فیصلہ بھی کیا ہے، جو ہر شہر میں سستے گھروں کی ضروریات اور جگہ کی نشاندہی کرے گی۔ذرائع کے مطابق 50 لاکھ گھروں کے منصوبے میں نجی شعبے کو شفاف بنیادوں پر شامل کیا جائے گا جبکہ اس منصوبے کو 5 سال میں مکمل کرنے کی حکمت عملی تیار کرلی گئی ہے۔

ابتدائی طور پر پائلٹ پروجیکٹ کا آغاز 7 اضلاع میں ہوگا، جن میں فیصل آباد، سکھر، کوئٹہ، ڈیرہ اسماعیل خان، اسلام آباد، گلگت اور مظفر آباد شامل ہیں۔

مزید : اہم خبریں /قومی /علاقائی /اسلام آباد