سند ھ میں 6 خطرناک دہشتگردوں کے سروں کی قیمت مقرر 

سند ھ میں 6 خطرناک دہشتگردوں کے سروں کی قیمت مقرر 

  

کراچی(کرائم رپورٹر)محکمہ داخلہ حکومت سندھ نے 6خطرناک دہشتگردوں کے سروں کی قیمت مقرر کردی ہے۔تفصیلات کے مطابق محکمہ داخلہ حکومت سندھ نے 6خطرناک دہشتگردوں کے سروں کی قیمت مقرر کردی ہے، جس کا نوٹیفکیشن بھی جاری کر دیا گیا ہے۔انعامی رقم دہشتگردوں کی گرفتاری میں مدد فراہم کرنے والوں کو دی جائے گی۔ذرائع کے مطابق دہشتگردوں کا تعلق القاعدہ برصغیر، کالعدم لشکرجھنگوی اورکالعدم جنداللہ سے ہے، کالعدم لشکرجھنگوی کے سمیع اللہ عرف ارشد کے سر کی قیمت 50 لاکھ مقرر کی گئی ہے۔کالعدم لشکر جھنگوی کے جعفر عرف افتخار کے سر کی قیمت بھی50لاکھ مقرر ہے۔ذرائع کے مطابق کالعدم جنداللہ کراچی کے امیر منظور احمد عرف بلال کے سر کی قیمت 30 لاکھ،القاعدہ کے دہشتگرد فصل غنی عرف شفیق کے سر کی قیمت 20 لاکھ،کالعدم جنداللہ کے رفیق عرف عبیداللہ کے سر کی قیمت 20 لاکھ اورکالعدم لشکرجھنگوی کے دہشتگرد غلام مرتضی کے سر کی قیمت ایک لاکھ مقرر کی گئی ہے۔

مزید :

صفحہ اول -