ریلوے پرائیویٹ پارٹنرز کو سٹیک ہولڈرز کا درجہ دیا،حبیب الرحمن

 
لاہور(لیڈی رپورٹر)سیکرٹری /چیئرمین ریلویز حبیب الرحمان گیلانی کی سربراہی میں ریلوے ہیڈکوارٹرز میں رولنگ سٹاک اور کوچز کی شمولیت کے حوالے سے اپنی نوعیت کے پہلے سیمینار کا انعقاد کیاگیا۔ ایم ایل ون اور پاک افغان تجارت کے متوقع بہاوٗ کے پیش نظر پاکستان ریلوے نے پسنجر کوچز اور فریٹ ویگن کی تعداد بڑھانے کے لیے پہلی بار تمام متعلقہ افسران اور مختلف سٹیک ہولڈرز کو ایک چھت کے نیچے اکٹھا کیا ہے۔اس موقع پرسیکرٹری /چیئرمین ریلویز حبیب الرحمان گیلانی نے کہا کہ  آج ریلوے کی تاریخ کا نیا باب کھلا ہے کہ ہم پرائیوٹ پارٹنرز کو سٹیک ہولڈرز کا درجہ دے کر ان کے ساتھ میٹنگ کر رہے ہیں۔ ہم آپ کے مشورے اور تحفظات دونوں سنیں گے۔