سٹاک مارکیٹ میں تیزی برقرار، انڈیکس مزید 400پوائنٹس بڑھ گیا، امریکی ڈالر 10پیسے، سونا 1400روپے تولہ مہنگا
کراچی (اکنامک رپورٹر) پاکستان اسٹاک مارکیٹ میں جمعہ کو بھی تیزی کا رجحان رہا اور کے ایس ای100انڈیکس400پوائنٹس کے اضافے سے40700پوائنٹس کی سطح پر جا پہنچا جبکہ مارکیٹ کے سرمائے میں 53ارب روپے کا اضافہ بھی ریکارڈ کیا گیا جس کے نتیجے میں سرمائے کا مجموعی حجم 76کھرب روپے سے تجاوز کر گیا،کاروباری تیزی کی وجہ سے67فیصد حصص کی قیمتیں بھی بڑھ گئیں۔ پاکستان اسٹاک مارکیٹ میں جمعہ کو کاروبارکا آغاز تیزی کیساتھ ہو ا،سرمایہ کاروں اورمالیاتی اداروں کی پیٹرولیم،فوڈز،بینکنگ،ٹیلی کام،سیمنٹ اور اسٹیل کے شعبوں میں سرمایہ کاری کی بدولت ٹریڈنگ کے دوران انڈیکس 40400،4050،40600اور40700پوائنٹس کی4بالائی حد عبور کر گیا۔پاکستان اسٹاک مارکیٹ میں جمعہ کو کاروبار کے اختتا م پر کے ایس ای100انڈیکس میں 444.81پوائنٹس کا اضافہ ریکارڈ کیا گیا جس سے انڈیکس 40353.62پوائنٹس سے بڑھ کر 40798.43پوائنٹس ہو گیا اسی طرح 152.11پوائنٹس کے اضافے سے کے ایس ای30انڈیکس 17127.38پوائنٹس سے بڑھ کر 17279.49پوائنٹس ہو گیا اسی طرح کے ایس ای آل شیئرز انڈیکس 28633.26پوائنٹس سے بڑھ کر 28874.05پوائنٹس پر بند ہوا۔تیزی کے سبب مارکیٹ کے سرمائے میں 53ارب45کروڑ55ہزار 621روپے کاا ضافہ ریکارڈ کیا گیا جس کے نتیجے میں سرمائے کا مجموعی حجم75کھرب49ارب 53کروڑ97لاکھ 94ہزار6روپے سے بڑھ کر 76کھرب2ارب 98کروڑ98لاکھ 4ہزار627روپے ہو گیا۔پاکستان اسٹاک مارکیٹ میں جمعہ کو 11ارب روپے مالیت کے 35کروڑ88لاکھ 24ہزار حصص کے سودے ہوئے جبکہ جمعرات کو 15ارب روپے مالیت کے 47کروڑ68لاکھ 69ہزار حصص کے سودوے ہوئے تھے۔پاکستان اسٹاک مارکیٹ میں جمعہ کو مجموعی طور پر 409کمپنیوں کا کاروبار ہوا جس میں سے272کمپنیوں کے حصص کی قیمتوں میں اضافہ،124میں کمی اور 13کمپنیوں کے حصص کی قیمتوں میں استحکام رہا۔کاروبار کے لحاظ سے حیسکول پیٹرول 5کروڑ39لاکھ،یونٹی فوڈز لمیٹڈ 3کروڑ49لاکھ،ٹی آر جی پاک لمیٹڈ2کروڑ14لاکھ،بینک آف پنجاب 1کروڑ42لاکھ اور ورلڈ کال ٹیلی کام1کروڑ33لاکھ حصص کے سودوں سے سرفہرست رہے۔قیمتوں میں اتار چڑھا? کے اعتبار سے رفحان میظ کے بھا? میں 200.00روپے کا اضافہ ہوا جس سے اسکے حصص کی قیمت 8350.00روپے ہو گئی اسی طرح99.28روپے کے اضافے سے فلپ مورس پاک کے حصص کی قیمت 1699.28روپے پر جا پہنچی جبکہ نیلسے پاکستان کے بھا? میں 90.00روپے کی کمی واقع ہوئی جس سے اسکے حصص کی قیمت 6510.00روپے ہو گئی اسی طرح 54.99روپے کی کمی سے سیفائر فائبر کے حصص کی قیمت 681.01روپے پر آ گئی۔انٹر بینک اور مقامی اوپن کرنسی مارکیٹ میں جمعہ کو روپے کے مقابلے ڈالر کی قدر میں اضافے کا رجحان رہا۔فاریکس ایسوسی ایشن آف پاکستان کی رپورٹ کے مطابق جمعہ کو انٹر بینک میں 10پیسے کے اضافے سے ڈالر کی قیمت خرید 163.65روپے سے بڑھ کر163.75روپے اور قیمت فروخت163.85روپے سے بڑھ کر163.95روپے ہو گئی اسی طرح مقامی اوپن کرنسی مارکیٹ میں 10پیسے کے اضافے سے ڈالر کی قیمت خرید 163.70روپے سے بڑھ کر163.80روپے اور قیمت فروخت164روپے سے بڑھ کر164.10روپے ہو گئی۔فاریکس رپورٹ کے مطابق یورو اور برطانوی پونڈ کی قدر میں بالترتیب 1،1روپے کاا ضافہ ریکارڈ کیا گیا جس سے یوروکی قیمت خرید 191روپے سے بڑھ کر192روپے اور قیمت فروخت193روپے سے بڑھ کر194روپے پرجا پہنچی اسی طرح برطانوی پونڈ کی قیمت خرید 210روپے سے بڑھ کر211روپے اور قیمت فروخت212روپے سے بڑھ کر213روپے ہو گئی۔عالمی مارکیٹ میں فی اونس سونا31ڈالر کے اضافے سے 1915ڈالر ہو گیا جس کے بعد ملکی صرافہ مارکیٹوں میں بھی سونا مہنگا ہو گیا۔آل پاکستان سپریم کونسل جیولرز ایسوسی ایشن کی رپورٹ کے مطابق جمعہ کو ملکی صرافہ مارکیٹوں میں 1400روپے کے اضافے سے ایک تولہ سونے کی قیمت 1لاکھ14ہزار400روپے اور دس گرام سونے کی قیمت 1200روپے کے اضافے سے 98ہزار80روپے پر جا پہنچی۔
سٹاک مارکیٹ
