کشتی سے ایک ارب روپے سے زائد مالیت کی منشیات برآمد

کراچی(اسٹاف رپورٹر) اے این ایف انٹیلی جینس نے کارروائی کرکے کشتی میں چھپائی گئی 1 ارب روپے سے زائد مالیت کی منشیات برآمد کرلی۔اے این ایف نے انٹیلی جنس بنیادوں پرکراچی سمندر میں بڑی کارروائی کرتے ہوئے کشتی میں چھپائی گئی ارب روپے سے زائد مالیت کی چرس اور ہیروئن برآمد کرلی ہے۔اے این ایف حکام کے مطابق خفیہ اطلاع پر کراچی کے ایک جزیرے میں آپریشن کیا گیا اور اس دوران ملزمان نے اے این ایف کی ٹیم پر فائرنگ کردی، فائرنگ کے تبادلے میں ملزمان منشیات چھوڑ کر فرار ہوگئے، تاہم تلاشی کے دوران کشتی میں چھپائی گئی منشیات برآمد کرلی گئی، منشیات میں 426 کلو گرام ہیروئن اور 57 کلوگرام چرس شامل ہے، جس کی عالمی منڈی میں قیمت 1 ارب روپے سے زائد ہے۔