گندم درآمد کرنے باوجود آٹے کی قیمت میں اضافہ جاری
اسلام آباد (سٹاف رپورٹر، مانیٹرنگ ڈیسک) ایک ہفتے کے دوران ملک میں 24 اشیائے ضروریہ کی قیمتوں میں اضافہ ریکارڈ کیا گیا۔ حکومت نے سو جتن کرلیے لیکن مہنگائی کاطوفان تھمنے میں نہیں آرہا، گندم درآمد کیے جانے کے باوجود آٹے کی قیمتوں میں اضافہ جاری ہے او رایک ہفتے کے دوران 20 کلوآٹے کا تھیلا 28 روپے مہنگا ہوگیا۔18 روپے اضافے کیساتھ ٹماٹر 128 روپے فی کلو اور پیاز 10 روپے فی کلو مہنگی ہوگئی۔ادارہ شماریات نے مہنگائی میں اضافے کے اعداد و شمار جاری کردیے جس کے مطابق ایک ہفتے کے دوران چکن 8 روپے 74 پیسے فی کلو مہنگا ہوا۔انڈے 15 روپے 41 پیسے فی درجن مہنگے، چینی بھی ایک روپیہ فی کلو مہنگی ہوگئی۔ایک ہفتے کے دوران آلو 2 روپے 20 پیسے فی کلو مہنگا ہوا، ایل پی جی کا ساڑھے 11 کلو کا گھریلو سلنڈر 5 روپے مہنگا ہوا۔گھی، دال چنا، دال مسور، چاول، دہی اور تازہ دودھ،گوشت، چائے لہسن کی قیمت میں بھی اضافہ ریکارڈ کیا گیا۔ایک ہفتے کے دوران مجموعی طور پر 24 اشیائے ضروریہ کی قیمتوں میں اضافہ ہوا جبکہ چار اشیاکی قیمتوں میں کمی ہوئی، 23ا کی قیمتوں میں استحکام رہا۔
مہنگائی
