چراغاں کا ہواآغاز دل میں| غلام محمد قاصر |
چراغاں کا ہواآغاز دل میں
فروزاں ہے نگاہِ ناز دل میں
تمناؤں کے ہر موسم سے پہلے
اُترتی ہے تری آواز دل میں
نظر میں مسکراتے عکس تیرے
کیے ہیں اشک پسِ انداز دل میں
کہو تو دھڑکنیں بھی بے خبر ہوں
چھپا لوں یوں وفا کا راز دل میں
پکارا جا رہا تھا ایک ہی نام
ہوئے تقسیم جب اعزاز دل میں
مکاں خالی کہاں رہتے ہیں قاصر
کبھی شہلا کبھی شہناز دل میں
شاعر: غلام محمد قاصر
(مجموعۂ کلام:آٹھواں آسماں بھی نیلا ہے؛سالِ اشاعت۔1988 )
Charaaghan Ka Hua Aghaaz Dil Men
Farozaan Hay Nigaah-e-Naaz Dil Men
Tamannaaon K Har Mosam Say Pehlay
Utarti Hay Tiri Awaaz Dil Men
Nazar Men Muskuraatay Aks Tiray
Kiay Hen Ashk Pass-e-Andaaz Dil Men
Kaho To Dharrkanen Bhi Be Khabar Hon
Chhupaa Lun Yun Wafaa Ka Raaz Dil Men
Pukaara Ja Raha Tha Aik Hi Naam
Huay Taqseem Jab Aizaaz Dil Men
Makaan Khaali Kahan Rehtay Hen QASIR
Kabhi Shehla , Kabhi Shehnaaz Dil Men
Poet: Ghulam Muhammad Qasir