بکھر رہے تھے ہر اک سمت کائنات کے رنگ| فاطمہ حسن |
بکھر رہے تھے ہر اک سمت کائنات کے رنگ
مگر یہ آنکھ کہ جو ڈھونڈتی تھی ذات کے رنگ
ہمارے شہر میں کچھ لوگ ایسے رہتے ہیں
سفر کی سمت بتاتے ہیں جن کو رات کے رنگ
اُلجھ کے رہ گئے چہرے مری نگاہوں میں
کچھ اتنی تیزی سے بدلے تھے اُن کی بات کے رنگ
بس ایک بار انہیں کھیلنے کا موقع دو
خود ان کی چال بتا دے گی سارے مات کے رنگ
ہوا چلے گی تو خوشبو مری بھی پھیلے گی
میں چھوڑ آئی ہوں پیڑوں پہ اپنے ہات کے رنگ
شاعرہ: فاطمہ حسن
(مجموعۂ کلام:دستک سے در کا فاصلہ؛سالِ اشاعت۔1993 )
Bikhar Rahay Thay Har Ik Samt Kaainaat K Rang
Magar Yeh Aankh Keh Jo Dhoondti Thi Zaat K Rang
Hamaaray Shehr Men Kuchh Aisay Log Raehtay Hen
Safr Ki Samt Bataatay Hen Jin Ko Raat K Rang
Ulajh K Reh Gaey Chehray Miri Nigaahon Men
Kuchh Itni Taizi Say Badlay Thay Un Ki Baat K Rang
Bass Aik Baar Inhen Khailnay Ka Maoqa Do
Khud In Ki Chaal Bataa Day Gi Saaray Maat K Rang
Hawaa Chalay Gi To Khushboo Miri Bhi Aaey Gi
Main Chhorr Aai Hun Pairron Pe Apnay Haat K Rang
Poetess: Fatim Hasan