بیگانۂ اختیار ہو جا| فانی بدایونی |

بیگانۂ اختیار ہو جا
راضی بہ رضا یار ہو جا

جینے کو یہ آسرا بہت ہے
اچھا ہے امیدوار ہو جا

غیرت ہو تو غم کی جستجو کر
ہمت ہو تو بے قرار ہو جا

اے درد یہ چٹکیاں کہاں تک
اُٹھ اور جگر کے پار ہو جا

ماتم کدۂ وفا ہے عالم
فانی دلِ سوگوار ہو جا 

شاعر: فانی بدایونی

(مجموعۂ کلام:کلیاتِ فانی؛سالِ اشاعت،1946 )

Begaana -e-Ekhtayaar   Ho   Ja

Raazi   Ba   Raza    Yaar   Ho   Ja

Jeenay   Ko   Yeh    Aasraa   Bahut   Hay

Achha   Hay    Umeed   Waar   Ho   Ja

Ghairat   Ho   To   Gham   Ki   Justajoo   Kar

Himmat   Ho   To   Beqaraar   Ho   Ja

Ay   Dard   Yeh   Chuttkiyaan    Kahan   Tak

Uth    Aor   Jigar   K   Paar   Ho   Ja

Maatam   Kadaa-e-Wafaa    Hay   Aalam

FANI    Dil-e-Sogawaar   Ho   Ja

Poet: Favi   Badayuni