جو مجھ میں چھپا میرا گلا گھونٹ رہا ہے| فہمیدہ ریاض |

جو مجھ میں چھپا میرا گلا گھونٹ رہا ہے
یا وہ کوئی ابلیس ہے یامیرا خدا ہے

جب سر میں نہیں عشق تو چہرے پہ چمک ہے
یہ نخل خزاں آئی تو شاداب ہوا ہے

ہاں اُ س کے تعاقب سے مرے دل میں ہے انکار 
وہ شخص کسی کو نہ ملے گا نہ ملا ہے

کیوں نورِ ابد دل میں گزر کرنہیں پاتا
سینے کی سیاہی سے نیا حرف لکھا ہے

شاعرہ:فہمیدہ ریاض

(مجموعۂ کلام:بدن دریدہ؛سالِ اشاعت،1978 )

Jo    Mujh    Men    Chhupa    Mera   Galaa    Kaat    Raha   Hay

Ya   Wo    Koi   Iblees   Hay   Ya   Mera    Khuda   Hay

Jab   Sar   Men   Nahen   Eshq   To   Chehray    Pe   Chamak    Hay

Yeh   Nakhl   Khizaan    Aai   To    Shadaab   Hua   Hay

Haan   Uss   K   Taaqub   Say    Miray   Dil    Men   Hay   Inkaar

Wo   Shakhs    Kisi    Ko   Na milay   Ga   Na   Mila   Hay

 Kiun   Noor-e-Abad    Dil   Men    Guzar   Kar    Nahen   Paata

Seenay   Ki    Siyaahi    Say    Naya    Harf    Likha   Hay

 

Poetess: Fehmid   Riaz