30 خوارجی دہشتگردوں  کو عبرتناک  انجام  تک  پہنچا  کر بڑی  کامیابی حاصل کی: محسن  نقوی 

پشاور ( ڈیلی پاکستان آن لائن ) وفاقی  وزیرداخلہ  محسن  نقوی  کی اورکزئی میں فتنہ الخوارج کے خلاف  کامیاب  آپریشن پر  سیکیورٹی  فورسز  کی ستائش  کی  ہے ۔وزیرداخلہ  محسن  نقوی  نے  30 خوارجی دہشتگردوں  کو  جہنم  واصل  کرنے پر  سیکیورٹی  فورسز  کی  پیشہ  وارانہ  صلاحیتوں  کو  سراہا اور کہا کہ خوارجی دہشتگردوں  کے  مذموم  عزائم  کو  ناکام  بنانے پر سیکیورٹی  فورسز کو  خراج تحسین پیش کرتا ہوں ۔ سیکیورٹی فورسز  نے 30 خوارجی دہشتگردوں  کو عبرتناک  انجام  تک  پہنچا  کر بڑی  کامیابی حاصل کی۔

وزیر داخلہ محسن نقوی نے یہ بھی کہا کہ  قوم دہشتگردی  کے خاتمے کیلئے سیکیورٹی  فورسز  کے  شانہ  بشانہ  کھڑی  ہے۔فتنہ  الخوارج  کے  دہشتگردوں  کو  پاکستان میں کسی بھی جگہ  چھپنے نہیں  دیں  گے۔