سہیل آفریدی کے خلاف پروپیگنڈا قابل مذمت ہے، الیکشن کمیشن جعلی حکمرانوں کی ’’بی ٹیم‘‘کے طور پر کام کر رہا ہے،اسد قیصر
اسلام آباد (ڈیلی پاکستان آن لائن) پی ٹی آئی رہنما اسد قیصر کا کہنا ہے بانی عمران خان کے نامزد کردہ وزیرِاعلیٰ خیبر پختونخوا سہیل آفریدی کے خلاف وفاقی وزراء اور مخصوص ٹولے کے پروپیگنڈا اور کردار کشی کی شدید مذمت کرتا ہوں۔
ایکس پر جاری بیان میں انہوں نےکہا سہیل آفریدی مڈل کلاس سے تعلق رکھنے والے ایک ایم فل اسکالر ہیں ، جنہوں نے پشاور یونیورسٹی جیسے ممتاز تعلیمی ادارے سے تعلیم حاصل کی ہے۔وہ ملکی سیاست میں کوئی نومولود نہیں بلکہ انہوں نے انصاف اسٹوڈنٹس فیڈریشن سے اپنی عملی سیاسی جدوجہد کا آغاز کیا اور بلدیاتی انتخابات سے انتخابی سیاست میں قدم رکھا۔انہوں نے بطور صوبائی وزیر بھی ذمہ داریاں نبھائیں اور حکومتی امور کو قریب سے دیکھا ہے۔انشاءاللہ پارٹی کی سینئر قیادت کی رہنمائی اور تعاون انہیں ہمیشہ حاصل رہے گا۔ عمران خان کی قیادت میں وہ خیبر پختونخوا کو موجودہ بحران سے نکالنے میں بھرپور کردار ادا کریں گے۔ہم جعلی فارم 47 حکومت کے ہر اوچھے ہتھکنڈوں کا ڈٹ کر مقابلہ کریں گے اور عمران خان کے نامزد کردہ وزیرِاعلیٰ کو منتخب کروائیں گے۔
اسد قیصر نے مزید کہا الیکشن کمیشن کی جانب سے فارم 47 کی جعلی حکومت کو فراہم کی جانے والی سہولت کاری کی شدید مذمت کرتے ہیں۔ وزیرِاعلیٰ کے انتخاب سے چند دن قبل پی ٹی آئی کے اراکین کو ’’آزاد‘‘ قرار دینے کا اقدام اس امر کا ثبوت ہے کہ الیکشن کمیشن جعلی حکمرانوں کی ’’بی ٹیم‘‘ کے طور پر کام کر رہا ہے۔پاکستان تحریکِ انصاف خیبر پختونخوا اسمبلی کی سب سے بڑی پارلیمانی جماعت ہے، جسے صوبے کے عوام نے دو تہائی اکثریت سے منتخب کیا ہے۔عمران خان کے نامزد کردہ وزیرِاعلیٰ خیبر پختونخوا سہیل آفریدی باصلاحیت نوجوان ہے۔ الیکشن کمیشن اور فارم 47 کی جعلی حکومت کی جانب سے ان کے راستے میں رکاوٹیں ڈالنے کی کوشش نہایت افسوسناک اور شرمناک عمل ہے۔ان اوچھے ہتھکنڈوں کا ہر سطح پر ڈٹ کر مقابلہ کیا جائے گا۔
انہوں نے بتایا کہ یہ فیصلہ پاکستان تحریک انصاف کے سینئر رہنماؤں کے اجلاس میں کیا گیا ، جس میں پی ٹی آئی مرکزی سینئر رہنما، تحریکِ تحفظِ آئینِ پاکستان جنرل سیکرٹری و سابق اسپیکر قومی اسمبلی اسدقیصر ، پاکستان تحریکِ انصاف خیبر پختونخوا کے صوبائی صدر جنید اکبر خان، سیکریٹری جنرل علی اصغر خان، اور اراکینِ قومی اسمبلی، عاطف خان اور شہرام خان ترکئی نے شرکت کی۔
الیکشن کمیشن کی جانب سے فارم 47 کی جعلی حکومت کو فراہم کی جانے والی سہولت کاری کی شدید مذمت کرتے ہیں۔ وزیرِاعلیٰ کے انتخاب سے چند دن قبل پی ٹی آئی کے اراکین کو ’’آزاد‘‘ قرار دینے کا اقدام اس امر کا ثبوت ہے کہ الیکشن کمیشن جعلی حکمرانوں کی ’’بی ٹیم‘‘ کے طور پر کام کر رہا…
— Asad Qaiser (@AsadQaiserPTI) October 10, 2025
