عمران خان نے بشریٰ بی بی کی سفارش پر سہیل آفریدی کا نام وزیراعلیٰ کے لیے دیا، طارق فضل چودھری

اسلام آباد (ڈیلی پاکستان آن لائن) وفاقی وزیر پارلیمانی امور طارق فضل چودھری کا کہنا ہے سہیل آفریدی کو وزیراعلیٰ خیبر پختونخوا بنانے کا فیصلہ بانی پی ٹی آئی  نہیں بلکہ بشریٰ بی بی کا ہے، اس فیصلے کا صوبے میں بہتری سے کوئی تعلق نہیں۔

’’سماء نیوز‘‘ سے خصوصی گفتگو کرتے ہوئے طارق فضل چودھری نے بتایا کہ تحریک انصاف کے ایم پی ایز ناخوش ہیں،  بانی پی ٹی آئی تشدد ، ٹکراؤ اور انتشار کی سیاست کو فروغ دینا چاہتے ہیں، اِن کا ذہن ہے کہ پھر وفاق پر چڑھائی کریں گے  لیکن آئندہ اسلام آباد پر کسی بھی یلغار کی کوشش ہوئی تو اسے سختی سے روکا جائےگا۔ خیبر پختونخوا میں حالات بہت خراب ہیں مگر گورنر راج کی باتیں ابھی قبل از وقت ہیں۔