پاک سعودی جوائنٹ بزنس کونسل وفد لاہور پہنچ گیا،وزیراعلیٰ مریم نواز کی جانب سے پرتپاک خیر مقدم

لاہور(ڈیلی پاکستان آن لائن) پاک سعودی جوائنٹ بزنس کونسل کا خصوصی وفد لاہور پہنچ گیا، وفد کا پرتپاک خیر مقدم کیا گیا۔

وزیراعلیٰ مریم نواز  نے ایئرپورٹ پر سعودی پاک جوائنٹ بزنس کونسل کے وفد کو خوش آمدید کہا، مریم نواز شریف سے وفد کی ملاقات ہوئی۔

وزیر اعلیٰ نے خادمین الحرمین شریفین شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کے لئے عقیدت و احترام کا اظہار کیا۔

پاک، سعودی بزنس فورم کے چیئرمین شہزادہ منصور بن محمد بن سعاد آل سعود نے وفد کی قیادت کی۔

وزیراعلیٰ پنجاب مریم نواز  نے سعودی سفیر کی طرف سے سیلاب متاثرین کے لیے گھریلو سامان فراہم کرنے پر شکریہ بھی ادا کیا۔
 

وزیراعلیٰ مریم نواز شریف نے سعودی پاک جوائنٹ بزنس کونسل ایئرپورٹ جاکر سعودی وفد کو خوش آمدید کہا، وزیراعلیٰ مریم نواز شریف کا خادمین الحرمین شریفین شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کے لئے عقیدت و احترام کا اظہار pic.twitter.com/n3hGctBbDu

— Hina Parvez Butt (@hinaparvezbutt) October 10, 2025