چینی خاتون نے شہزادی بن کر لوگوں سے لاکھوں روپے لوٹ لئے، ایسی کیا بات کہتی تھی کہ لوگ پیسے دینے پر مجبور ہوجاتے تھے؟ انتہائی دلچسپ کہانی

چینی خاتون نے شہزادی بن کر لوگوں سے لاکھوں روپے لوٹ لئے، ایسی کیا بات کہتی ...
چینی خاتون نے شہزادی بن کر لوگوں سے لاکھوں روپے لوٹ لئے، ایسی کیا بات کہتی تھی کہ لوگ پیسے دینے پر مجبور ہوجاتے تھے؟ انتہائی دلچسپ کہانی

  

بیجنگ (نیوز ڈیسک) شعبدہ باز ہر جگہ پائے جاتے ہیں جو اپنی چالاکی سے عام لوگوں کو لوٹ لیتے ہیں لیکن چین میں ایک خاتون نے تو شعبدہ بازی کے تمام ریکارڈ ہی توڑدئیے اور شہزادی کا روپ دھار کر لوگوں سے کروڑوں روپے ہتھیانے میں کامیاب ہوگئی۔

چینی میڈیا کے مطابق وینگ فینگ نیگ نامی خاتون کھیتی باڑی کرتی تھی لیکن اس نے بہروپ بدل کر خود کو قنگ سلطنت کے سلاطین کی اولاد ظاہر کرنا شروع کردیا، جبکہ ایک 47 سالہ بے روزگار مرد بھی اس کے ساتھ شامل ہوکر اسے شہزادی کے طور پر متعارف کرواتا رہا۔ یہ نقلی شہزادی لوگوں کو بتاتی کہ اس کے شہنشاہ آباؤ اجداد نے اس کیلئے اربوں کھربوں کی جائیداد چھوڑی جو حکام کے میں قبضے میں ہے اور اسے چھڑوانے کیلئے رشوت مانگی جارہی تھی۔ اس کی باتوں میں آکر درجنوں لوگوں نے بھاری رقم اس کے حوالے کردی، یہ سوچ کر کہ وہ حکام کو رشوت دے کر اپنی جائیداد چھڑوالے گی اور پھر ’شہزادی‘ انہیں مالا مال کردے گی۔

مزید پڑھیں:خاتون نے 25منٹ میں تین بینک لوٹ ڈا لے،پولیس کو بھی چکرا دیا

جعلی شہزادی نے اس طریقے سے تقریباً 23 لاکھ یوان جمع کرلئے جبکہ اس کے گھر سے سونے کی 41 اینٹیں اور جعلی کرنسی بھی برآمد ہوئی۔ عدالت نے وینگ فینگ کا جرم ثابت ہونے پر اسے ساڑھے تیرہ سال قید کی سزا سنادی، جبکہ اس کے ساتھی کو 12 سال قید کی سزا سنائی گئی۔

مزید : ڈیلی بائیٹس